Home » GST News » 10 Asan Step GSTR 3B File Karne ke liye

10 Asan Step GSTR 3B File Karne ke liye

  • by

Agar aapne abhi tak GSTR 3B abhi tak file nahin kiya hai to yah rahe 10 aasan step jiski madad se aap GSTR 3B file kar sakte hain.
Sath hin janiye kya hai late fees aur penalty taki aap samay se GSTR 3B file kar sake aur penalty se bach saken.

Aap shyad yah bhi padhna chahenge: 

GSTR 3B Kya Hai? Kise File Karna Chahiye? Due Dates, Penalties Aur Format

GSTR 3B kaise file karen?

Step 1GST Portal par login karen.

Step 2 –  ‘Services’ > ‘Returns’ > ‘Returns Dashboard’ par jayen.

Step 3 – yah ‘File Returns’ page ko display karta hai. Di gayi suchi mein se ‘Financial Year’ aur ‘Return Filing period’ chunen jiske liye aap return file karna chahte hain. ‘SEARCH’ button par click karen.

Step 4 – ‘Monthly Return GSTR-3B’ tile mein ‘PREPARE ONLINE’ button par click karen.

Step 5 – sabhi tile mein value daalen. Sabhi shirshak ke niche aapko total bharna hoga. Agar laagu ho to Interest aur Late Fees bhi bharen.

Step 6 – sabhi jaankari bharne ke baad page ke niche aakhir mein diye ‘SAVE GSTR-3B’ button par click karen. Ek safalta (success) ka message page ke upar mein dikhaya jayega.

Step 7 – ek bar jab sabhi jaankariyan save kar di jati hain to page ke niche diya ‘SUBMIT’ button enable ho jata hai. ‘SUBMIT’ button par click kar ke final GSTR-3B ko jama karen.

Ek bar jab aap submit kar dete hain tb aapko page ke upar ek safalta (success) ka message milta hai aur aapke dwara di gayi sabhi jaankraiyon ko surakshit kar diya jata hai aur iske baad ap kisi bhi jaankari mein koi badlav nahin kar payenge. Submit karne ke baad ITC aur Liability ledger bhi update ho jate hain.

GSTR-3B ka status ‘Submitted’ mein badal jata hai.

Step 8 – Return safaltapurvak submit karne ke baad page ke niche aapko ‘Payment of Tax’ enabled dikhega.

Niche diye step ke adhar par apna tax de aur liability khatam karen:

  • ‘Payment of Tax’ tile par click karen.
  • Return mein jo tax liability di gayi hai aur credit, dono hi ledgers mein update ho jate hain aur payment section ke ‘Tax payable’ column mein dekhe ja sakte hain. Credits credit ledger mein update ho jate hain aur updated balance payment section ke mein dekhe ja sakte hain.

  • Cash aur credit ka balance dekhne ke liye ‘CHECK BALANCE’ button par click karen. Is suvidha se kardata payment karne se pahle balance check kar paate hain.

  • Pichle page par jaane ke liye ‘OK’ button par click karen.

  • Liabilities pay karne ke liye credit amount pradan karen jo aapke maujuda credit mein se istemal ki jaayen.
  • Liabilities pay karne ke liye ‘OFFSET LIABILITY’ button par click karen. Iske baad ek confirmation message aayega uske bad OK button par click karen.

Step 9 – declaration ke liye checkbox select karen. Authorised signatory ki suchi se authorised signatory ko chunen. ‘FILE GSTR-3B WITH DSC’ ya ‘FILE GSTR-3B WITH EVC’ button par click karen.

Step 10‘PROCEED’ button par click karen.

  • Safaltapurvak filing ke baad ek message aayega uske bad ‘OK’ button par click karen.

  • GSTR-3B return ka status ab ‘Filed’ mein badal gya hoga. Aap GSTR-3B return dekhne ke liye ‘VIEW GSTR-3B’ button par click kar sakte hain.

Aap shyad yah bhi padhna chahenge: 

GSTR 1 Kya Hai? Kise File Karna Chahiye, Kaise File Karte Hai, Due Dates Aur Late File Karne Ki Fees

Agar Aapne GSTR-3B File Nahin Kiya Hai To Aapko eWay Bill Nahi Milega

Naye Business tips ke updates ke liye jude rahen Vyaparapp par 

Download Karen BEST Free Billing Software

Happy Vyaparing!!!

Leave a Reply