10 cost kam karne ke tips: apne business ko ab kam rupyon mein bhi chalayen

Kam paison mein apne business ko run karne mein problem ho rahi hai? Yah sirf aapki problem nahin hain, India ke lakhon businessmen ki yahi problem hai. Jahan kayi businessmen is problem ke hone ke bad bhi apna busines successful chala rahe hain wahin kayi businessmen is problem ka solution nikalne mein fail ho ja rahe hain.

 

Yahan 10 aise solutions diye gaye hain jinko use kar ke aap apna kharch kam kar sakte hain

1)Marketing ke purane tarikon ko chhoden aur smartly advertise karen

 

Purane prachar ke tarike jaise ghar ghar ja kar bikri karna, TV ya radio par prachar karna, etc. sab bahut hin costly hai. Jydatar businessmen is type ka kharch nahin utha sakte hain.

Social media aur advertisements ka shukriya karna chahaiye, jinki wajh se kam kharch mein mein lakhon customers tak pahunchna ab possible hai.

  • Apne products ke advertisement ke liye Google AdWords, Facebook, Instagram ka use karen.
  • Aap hazaron grahak tak pahunch sakte hain wo bhi 100 free mein.

2)Paperless digital option ka use karen

 

Apne business ko achhe se run karne ke liye aap accounting software ka use kar sakte hain. Isse aapka time aur energy dono bachega, aisa karne se paper work aur printing ki bachat hogi aur yah kafi easy bhi hai.

3)Time hin asli money hai! Iska pura aur sahi use karen

 

Agar aap ek small businessmen hain to aapko time ki importance ka ehsas jarur hoga. Important work par adhik time lagayen aur apne baki ke bache waqt ka sahi se use karen.

Apne bache hue waqt ko un kamon ke liye use karen jinme aapka hona important hai. Agar aapka business dhire chal rha hai to aap apna jydatar time apne business ka advertise karne mein lagayen. Agar aapke store mein rakhe saman ki bikri kam ho rahi hai ya bikri nahin ho rahi hai to use chhodkar un products par kharch karen jinke sales ki jyda possibility hai. Business ko run karne ke liye time ka sahi use hona bahut important hai.

Apna important time un kaam par waste na karen jo koi aur kar sakta hai ya jo business software ki help se kiya ja sakta hai.

 

4)Apne business accounting ke liye free software ka use karen

Apne costly software ko free software se replace karen. Agar aap Tally ka use kar rahen hain to use Vyapar App se replace karen. Isme aap wahi sare kaam better tarike se kar sakte hain wo bhi bilkul free. Iski help se aap GST bills generate kar sakte hain, aur isse mila GST report aapko apne payment ko track karne mein help karega. Time khatam hone par aap Whatsapp ya SMS par payment reminder bhi bhej sakte hain.


5)Apne supplier se discount mangen aur bargain karen

 

Har kisi chiz ka mol bhav nahin kiya ja sakta hai par aisi kayi sari chizen hain jisme aap daam mol kar sakte hain.

Isme koi shak nahin ki jab aapke supplier ki bari aata hai to aapko sabhi chizon par daam mol karne ka hak hai. Unko apne budget , product, services aur payment schedule ke bare mein jankari den.

Apne prayas se aap kuch khoyenge nahin balki apni investment ko kam kar ke kayi sare rupay bacha sakte hain.

Kayi businessmen aap jaise customers ko khone ke bajay bargain karna pasand karenge.

Discount ke liye puchhen. Kabhi kabhi jab aap nakad ya ek fixed time ke ander payment karte hain to aapko discount milta hai.

6)Apni inventory ko track karen

 

Aap kisi aisi chiz ko manage nahin kar sakte jise aap track nahin kar sakte. Agar aap apni sabhi inventory ka track nahin rakhte hain to ise abhi shuru karen.

Yah sunischit karen ke liye ki aap actually mein jarurat se adhik kharch kar rahe hain ya nahin, adhik savdhani se inventory ko track karna shuru kar den. Dhimi gati se bikne wale product ke bajay adhik benifit wale product ka pata lagayen aur un products par invest karen jinki bikri jaldi ho rahi ho.

Agar aap abhi bhi manualy manage kar rahe hain to behtar tarike se track karne ke liye inventory management software ka use karen kyonki yah easy aur fast hai.

7)Online bhi bechna shuru karen

 

Apne business mein kharch kam karne ke har tarike ka pata lagayen. Ab tak aap shayad jante ho ki online bechna aapke store pe bechne se jyda aasan hai. Aap apne saman ki bikri e-commerce market place jaise Amazon, Flipkart, Snapdeal, ebay, par kar sakte hain.

Inhone pahle hi kafi invest kiya hai marketing aur inventory maintanance par. Aap iska use easily kar sakte hain. Aap isko kahin se bhi kabhi bhi jahan chahen wahan se operate kar sakte hain. Chahe aapka budget kitna bhi chhota kyun na ho.

8)Kaam ki chizen bulk mein khareeden

 

Khudra khareedne ke bajay bulk mein khareedna sasta padta hai, yah ek intelligent soch hai lekin bulk mein khareedne se pahle ek sidha question puchen ki itna saman bulk mein khareedna mayne rakhta hai ya hain. Agar isse aapka kaam banta hai to jarur khareeden.

9)Second-hand chizon ko office mein use karen

 

Chahe wo aapka printer ho ya laptop, fan ho ya furniture, second-hand dhundhen. Yahan aap asani se apne kharch mein kami la sakte hain. Kabhi kabhi ye second hand item naye roop mein achhe hote hain. Aap ko keval OLX, ya Quikr jaise site se apni avashyaktaon ki khoj karni hogi. Aap seller se sidha baat kar sakte hain aur ek achhi deal kar sakte hain.

10)Khali jagah ko rent par den

 

Agar aapke store mein ya store ke paas jagah khali ho to usko kiraye par de kar kuch extra kama sakte hain.

 

Aap apne business mein cost cutting kaise karnte hain? Apne ideas den  

Stay updated about the Latest Business Tips on Vyaparapp.in.

Download the BEST Free Billing Software

Happy Vyaparing!!!

You May Also Like

Leave a Reply