10 Pareshaniyan Jo Har Chhote Vyapari Ko Hoti hai (Aur Inhen Kaise Thik Kiya Jaye)

Kya aapne kabhi bhi kisi vyapari ko aram se unka vyavsay chalate dekha hai? Bahut kam, kyon?Kyonki vyavsayik samasyaon ko suljhane ke liye aapko hoshiyar banna hoga.



Aisa anumaan lagaya gya hai ki 40% chhote vyapariyon ko apna vyavsay pahle saal mein hi band karna padta hai aur 50% vyapari 2 saal se adhik apna vyavsay nahin chala paate aur unhen apna vyavsay band karna padta hai. Yah bahut hin kadwa sach hai.

Vyapariyon ka jivan tanaav aur pareshaniyon se bhara hota hai par agar vyavsay ko sahi se chalaya jaye to dheron uphar milne ki sambhavna hai. Darasal kafi vyavsayik samasyaon ka samadhan uplabdh hai.

Vyapariyon ko hone wali 10 aam pareshaniyan aur unhen thik karne ke tarike yahan diye gaye hain:

1)Bahut kam samay mein bahut kuch karna.

90% log ki yah aam pareshani hai. Is competitive duniya mein aapka samay bahut jaldi khatam ho jayega. Vyavsay chalana bahut hi thakau hai aur isme aapki soch se adhik samay lagta hai. Apne vyavsay ka khayal rakhne ke liye aapko ek sath kayi kaam karna aana chahiye.

Kayi vyapari to apne karmchariyon se bhi adhik kaam karte reh jate hain. Unhen kaam ke alava aram karne aur parivar ke sath samay bitane mein bhi dar lagta hai.

Iski wajh se aapko apne vyavsay se adhiktam kam jaise grahakon ko attend karna, call receive karna, market se saman lana etc. khud hi karna padta hai. Aur kya aapko nahin lagta ki agar aapne apne samay ko sahi se manage nahin kiya to aapko vyavsay chalaane mein kafi pareshani hogi?

Upaay:
Jo log apna samay shi se manage kar paate hain wahi khudko dusron se behtar kar paate hain. Aap pahle samjhen ki aap har din apna samay kaise bitate hain aur uske baad sochen ki kya aap ise aur achhe tarike se kar sakte hain.
Jaise ki agar aap apna adhiktar samay account ke len den jodne mein laga rahe hain to yah kaam software ki madad se jaldi aur achhe tarike se kiya ja sakta hai. In kaamon ko khud se karne ke bajay Vyapar jaise accounting software ki madad le. Isse aap apna kafi waqt bacha payenge.
Mahatvapurn karyon ko chunen aur unpar dhyan kendrit karte hue pahle unhen pura karen. Jo kary adhik mahatvapurn nahin hain unhen aap apne kisi karmchari ko karne kah sakte hain. Kuch business accounting software jaise Vyapar aapko apne vyavsay ka dur rahkar bhi dhyan rakhne mein aapki madad karta hai. Iska upyog karen.

2)Bazar ke utaar chadhav

Agar aap market trend par dhyan nahin de rahe to jald hi aapka vyavsay sankat mein pad sakta hai. Naye product mein achhi quality, design, rate, aur achhe features ke sath aate hain. Naye vyapari market mein bikri ke naye tarikon ke sath aa sakte hain. In sab karnon ki vajh se aap apne market share aur grahak donon ko kho sakte hain.

Upaay:
Hamesha apni industry aur competitors par dhyan de.
Janen ki naya kya kya hai, market mein kiski bikri adhik ho rhi hai, aapke grahak kya chun rahe hain.
Apne industry mein hone wale sabhi badlaav ki khabar rakhen aur unhen apnaayen.

3)Mushkil business accounting kam

Ja haan, ek chhote vyapari hone ka matlb hai dher sare transaction aur dealing ka track rakhna. Accounting degree ya finance ka background na hone ke karan apne vyavsay ke sale/purchase transaction ko sahi tarah se manage karne mein kathinayi hona laazmi hai.

10 me se 3 vyapari ko apna khata sahi se nahin maintain karne ki vajh se nuksan ka saamna karna padta hai. Agar aap khud se sabhi accounting ka kaam karte hai jaise transaction track karna, GST reports banana, len den ka hisab karna aur aise mushkil kamon mein aapko pareshani hogi.

Upaay:
Business accounts handle karna kathin hai isliye kayi chhote vyapari business accounting software ki madad lete hain jaise ki Vyapar ya Tally.
Tally thoda kathin hai aur sirf desktop par kaam karta hai.
Lekin Vyapar smartphone mein bhi istemal kiya ja sakta hai. Ise istemal karna kafi asan hai, isme aap inventory aur cash flow track kar sakte hain, reports bana sakte hain, tax estimate kar sakte hai, invoice bana sakte hin aur bhej sakte hain, aur bhi bahut kuch kar sakte hain. Isliye hoshiyaar banen aur iska istemal karen.


4)Grahakon se payment lena.

Sabhi vyapari is baat se sahmat honge! Sabhi grahak samay se payment nahin karte hain ve kayi bahane dete hain payment samay par nahin karne ke liye.

Kuch grahako ke payment karne ke tarike alag hote hain, aap kitna bhi bolte rahe ve apne samay se aur apne anusar hin payment karenge aur unhen bar bar payment ke liye yaad dilana aapki zimmedari ban jayegi. Kuch grahak kathin paristhitiyon ki wajh se payment karne mein asamarth hote hain. Cash flow kam hona aur late payment aana, in dono karnon ki wajh se aapke vyavsay ki badhat mein rukawat aa sakti hai.

Upaay:
Kisi bhi grahak ko udhhar dene se pahle uske baare mein achhe se jaanch padtal kar len ki wah aapko udhhar wapas karega ya nahin aur kya wah vishwas karne layak hai ya nahin.
Agar aap udhhar dete bhi hain to ek sima tak de. Kabhi bhi bahut jyda udhar na de. 
Agar aapne kisi grahak ko udhar diya hai aur payment ka intezar kar rahen hain to unhen payment reminder bhejen.
Kuch grahakon ke upar adhik dhyan dena padta hai. Unse regularly baat karen aur payment ke baare mein yaad dilate rahen.
Vyapar jaise billing application ki madad le jisse ki aapke grahakon ko apne aap reminder bhej diya jayega.

5)Pratidwendi kam daam par bech rahe hain

Kisi bhi prakar ki industry mein pratidwendi bahut hote hain. Agar aapke pratidwendi ne apne daam kam kar liye to aapke grahak vahan chale jayenge. Km daamon ki aur bhartiya grahak asani se akarshit ho jate hain. Yah #1 karan hai ki kyon aapke grahak aapko chhodkar aapke pratidwendiyon ke paas chale jaate hain.

Upaay:
Pata karen ki kyon apke grahak aapke pratidwendiyon ke paas ja rahe hain. Agar yah price ki wajh se ho rha hai to dekhen ki ise aap kaise thik kar sakte hain.
Khud ko apne pratiduendiyon se alag karen. Koshish kar ke daam kam karen aur achhi service pradan karen.
Apne achhayion par dhyan de. Suchi banayen ki aapke vyavsay ki sabse achhi quality kya hai.
Apne vyavsay ka prachar apne pratiduendiyon se adhik achhe tarike se karen.

6)Badi companies ki wajh se grahakon ka chhutna

Yah baat manni hi padegi ki badi companies apna prachar jyda achhe tarike se karte hain. Unke paas achhe daam hote hain. Unka online vyavsay bhi kafi achha hota hai. Un tak pahunchne mein adhik samay nahin lagta. Yahi karan hai ki bharat mein 10 se se 3 grahak badi company se online order karte hain. 

Kya aapko nahin lagta ki is sabse aapke vyavsay ko khatra hai.

Upaay:
Apne grahakon ke sath achhe rishte banayen. Unke sath achha bartaav karen. Dekha gya hai ki 10 mein se 9 grahak dobara nahin aate agar unke sath achhe se bartaav nahin kiya jaye to.
Grahakon ki santushti hi aapki priority honi chahiye.
Aap agar online nahin hain to aapke grahakon ke liye aap exist hi nahin karte hain. Apne vyavsay ko Google maps aur social media par darshayen.
Facebook, instagram, bahut achhe social media platform hain apne vyavsay ka prachar karne ke liye.
Online hone ki wajh se aapko adhik sankhayn mein grahak milenge aur aap adhik se adhik grahakon tak pahunch payenge.

7)Madadgaar logon ka nahin pata hona

Diya gaya har sujhaav sahi nahin hota. Jab aap apne vyavsay ke bare mein koi faisla lena chahte hain to aapko madad ki jarurat padegi. Dukhad baat yah hai ki bhartiya vyapari kayi baar galat logon se madad lete hain ya madad lete hin nahin hain. Humen sarkar ke dwara diye jane wale kayi faydon ke bare mein nahin pata, aur kayi GST niyamon ke bare mein bhi nahin pata aur bhi bahut kuch.

Upaay:
Sujhaav lene se dare nahin.
Business associates ko join karen, FB business group se assistant len ( yaha jayen- Indian Small Business FB Group), Business communities se juden.
Professional logon se madad le. Achhe accountant aur lawyer se humesha sampark mein rahen. 
Apne hi jaise vyapariyon se sujhav lena achha hoga. Ho sakta hai unhone bhi vahi sab jhela ho jo aap jhel rahe hain.

8)Nayi chizon ke liye chhota budget

Kayi baar chhote vyapari apna vyapar apni jama punji se shuru karte hain. Vyavsay ko chalane mein aksar budget se adhik punji ki jarurat pad jati hai aur isi wajh se vyavsay ko band karna padta hai.

10 mein se 4 chhote vyavsay inhin karnon ki vajh se apne vyavsay ke pahle saal mein hi asafal ho jate hain.

Upaay:
Budget ko hisab se set karen.
Hisab karen ki aap har roz kitna kma aur gava rahe hain.
Financial report, kharch track karna, bill pay karna etc chizen shuruwati daur mein aapke vyavsay ke liye bahut aavshyak honge.
Soch samjh kar faisla len taki aapko nuksan na jhelna pade.

Yah sab khudse karne mein pareshani ho rahi hai? Is software ka istemal karen.

9)Sale aur marketing ka gyan na hona

Bharat ke chhote vyapari budget km hone ke karan marketing par adhik dhyan nahin dete. Aapko lagta hoga ki yah jaruri nahin hai par aisa nahin hai. Logon ko apna astitva batane keliye marketing karna aavashyak hai nahin to aap kisi naye grahak ko nahin la payenge.

Upaay:
Jahan bhi aapke grahak ho wahan rahne ki koshish karen.
Aapke maujuda grahakon ke dwara diya feedback naye grahakon ko dikhayen.
Grahakon se khud baat karen taaki aap khud ko sabse alag kar saken.
Har grahak aapki priority honi chahiye fir chahe unse aapko adhik payment mile ya nahin mile.
Apne grahakon ke sath vishvashniya rishta banayen.

10)Kam cash flow

Cash flow ki dikkat tab aati hai jab aap apna account sahi se manage nahi karte aur apne grahakon se paryapt income nahin jama kar pate hain. Cash flow ko banaye rakhna hi sabse badi dikkat hoti hai. Apne vyavsay ko safaltapurvak banaye rakhne ke liye aapko yah dhyan dena hoga ki adhik paise aayen aur kam bahar jayen.

Upaay:
Apne cash flow ko barabar check karte rahen. Error na karne ke liye software ka istemal karen.
Har sambhav jagah se kharch kam karen.
Equipments ko kharidne ke bajay lease par le.
Apne vendor ko payment deri se de.
Digital payment ke istemal se jaldi payment le.

 

Kya aap apne vyavsay mein aur kisi pareshani ka samna karte hain? Please niche comment karen.

Naye Business tips ke updates ke liye jude rahen Vyaparapp.in par 

Download Karen BEST Free Billing Software

Happy Vyaparing!!!

You May Also Like

Leave a Reply