14 Chizen Jo Bhartiya SME Ko Viksit Deshon Ke SMEs Se Sikhna Chahiye

technology ka achhi tarah se upyog karen

Viksit deshon ke SMEs technology mein bahut aage hain. Isse unhen apne pratidwendiyon ke bich kafi fayda hota hai. Ve apne grahakon ko samay par behtar seva dete hain. Technology ka istemal kar ke wah apne grahakon ko apne product/service ki nayi chizon ke bare mein batate hain.

✔Inventory track karna, bill generate karna, payment lena, yah sab digitally hota hai. Wah chizon ko asan aur automatic kar ke apna kafi waqt bacha lete hai. Bahut achhi bat hai na?



 Aap shyad yah bhi padhna chahenge

10 Fayde Jo Retail Store Mein Inventory Management Software Ke Istemal Se Honge

8 Tariko Se Billing Software Business Purchase Ko Behtar Tarike Se Manage Karne Mein Madad Karta Hai

Sahi data (jaankari) ke sath vyavsay ki pragti dekhen

Viksit deshon mein SMEs apne vyavsay ko bahut dhyan se chalate hain. Wah apne vyasvay ki pragati ko humesha track karte rehte hai taki unhen yah pata chal sake ki unka vyavsay sahi chal rha hai ya nahin.

Wah apne har din ke munafe ko jaanchte hain. Wah samay samay par apne liye naye lakshay banate rehte hain.

Wah apne vyavsayik samasyaon ko shuruwat mein hin pehchan lete hain aur apni income ko badhane ke liye sabhi mauke ka istemal karte hain.

Badalti parasthitiyon ko jald apnayen

✔Duniya har din badal rahi hai aur iske sath hi jansakhya badal rahi hai, grahakon ki pravirti badal rahi hai, technology badal rahi hai yahan tak ki arthvyavasthayen bhi badal rahi hai.

Viksit deson ke SMEs in sabhi badalti paristhiyon ka saamna karne ke liye pahle se taiyaar hote hain aur badlaav ke anusar hi khudko aur apne vyavsay ko bhi dhaal lete hain.

Barbadi ko kam karen

Viksit deshon ke SMEs apne vyavsay ko pura automatic bana kar rakhte hain isliye kisi prakar ki barbadi ka sawal hi nahi hota fir chahe wo samay ki barbadi ho ya paiso ki.

Unka vyavsay pura digitalize hota hai wah humesha track karte hain ki konsa stock adhik hai, konsa stock expire hone wala hai, konse stocks ki bikri tezi se ho rahi hai, etc. is sabse unhen kabhi bhi stock ki barbadi ya jarurat se adhik stock hone ki pareshani ka saamna nahin karta padta hai.

Kya apne vyavsay ko digitalise karne ka yah sahi waqt nahin hai?

Product/Service ki quality (gunvatta) ko badhayen

Logon ko quality se bahut fark padta hai. Grahakon ke vishwas ko banaye rakhne ka yah ek matra tarika hai jisse ki grhak humesha aate rahen.

Viksit deshon ke SMEs ko yah baat bhalibhati pata hai. Kuch bhi ho jaye wah apni pratishtha ko achhe quality ke product/service ki madad se banaye rakhte hain.

Achhi customer service dena sikhen

Achhi customer service ke sath hi grhakon ko sntushti milti hai. Jab grahak khush hote hai to wo aapke imandar grahak ho jate hain aur humesha aapke yahan se hin kharidari karte hain. Isliye yah paya jata hai ki viksit deshon ke SMEs sabhi ko uttam customer service pradan karte hain.

Sahi business record rakhna sikhen

Viksit deshon ke 90% SMEs ke pas accounting software ki madad se apne business ka sahi record hota hai. Iski madad se wah account, cash in hand, payments, taxes, aur kharchon ko asani se track kar pate hain jo ki har us vyapari ke liye avashyak hai jo apne vyavsay ko badhana chahte hain.


Apne maujuda grhakon ko apne paas rakhna sikhen

Sachhayi yah hai ki 10 mein jo 7 grahak aapke pas hote hain wah aapke vyavsay ke bare mein apne jaan pehchan ke logon ko batate hain jisse ki aap apni bikri ko 5 guna badha payenge.

Grahakon ko badhana mushkil hai par bahut aavshyak bhi hai. Isliye viksit deshon ke SMEs apne maujuda grahakon ko apne saath rakhne ki puri koshish karte hain taki we unhin se produt ya service kharedte rahen.

Business ka lagatar prachar (promote) karna sikhen

Safal SMEs apne vyavsay ka lagatar prachar karte hain. Isse unka vyavsay badhta hai. Isse wah naye grahakon ko akarshit kar payenge aur apni bikri badha payenge. Agar aap chahte hain ki aapka vyavsay chalta rahe to aapko bhi apne vyavsay ka lagatar prachar karna hoga.

Apni punji ka sahi istemal karna sikhen

Hoshiyaar vyapari apne paison ka sahi istemal karte hain. Wah apne vyavsay ki badhotri mein, apne karyon ko behtar karne ke liye sahi upkarn khareedne mein, sahi jagah ko khareedne ya kiraye par lene mein,aur jaldi bikri hone wale products mein, kharch karte hain.

Wah karykartaon ko niyukt karne mein bhi kharch karte hain taki wah unse wah sab kaam kara saken jo adhik avashyak nahin ho aur apna samay bacha saken. Aap bhi apne kharch hoshiyari se karen.

Apne vyavsay ko online badhayen

Har roz log internet par apne jarurat ke product aur service ko dhundhte hain. Agar aap apne vyavsay ko online viksit karte hain to aap adhik professional bante hain. Thik isi tarah se hin viksit deshon ke SMEs adhik grhakon tak pahunch pate hain. Apni online yatra shuru karen.

Aap shyad yah bhi padhna chahenge:

Online Bikri Karne ke 6 Aasan Tarike : Cash On Delivery Ke Sath!

In 17 Vajahon Se Har Chhote Vyapari Ko Social Media Per Market Karna Chahiye

Vyavsay mein hone wali nayi pravirtiyon (trends) ka dhyan rakhen aur apnayen

Ek achha vyapari humesha hin badalti pravirtiyon par dhyan deta hai. Grahakon ko samjhne mein kafi samay lag sakta hai.

Viksit deshon ke SMEs business trends ka kafi dhyan rakhte hain taki unhen pata chal sake ki aaj kya ho rha hai aur kal kya hoga. Isse unhen apne vyavsay ko behtar karne ke aur dusre kayi naye tarikon ke bare pata chalega.

Aap shyad yah bhi padhna chahenge:

10 Pareshaniyan Jo Har Chhote Vyapari Ko Hoti hai (Aur Inhen Kaise Thik Kiya Jaye) 

Jahan bhi sambhav ho apne vyavsay ko digitalize karen

Jo bhi SMEs apne business ki prakriya ko digitilize karta hai uske dincharya ke karyon mein kafi badhotri hoti hai. Digitilse karne ki wajh se aapka karya achhe tarike se ho pata hai aur aapke grahakon ka anubhav bhi badhta hai.

Yahi karan hai ki viksit deshon ke SMEs apna dhyan vyavsay ko digitilise karne mein kendrit karte hain.

Aap shyad yah bhi padhna chahenge: 

10 cost kam karne ke tips: apne business ko ab kam rupyon mein bhi chalayen

Dusre anya vyavsay ke sath partnership karen 

Sabhi vyavsay ki apni apni takat aur kamjoriyan hoti hai. Isliye viksit deshon ke SMEs dusre vyapariyon ke sath partnership karte hain taki apne products ki bikri kar saken aur dono hi ek samanya lakshya ko prapt kar saken.

Naye Business tips ke updates ke liye jude rahen Vyaparapp.in par 

Download Karen BEST Free Billing Software

Happy Vyaparing!!!

You May Also Like

Leave a Reply