In 17 Vajahon Se Har Chhote Vyapari Ko Social Media Per Market Karna Chahiye

Kya aap yah soch rahe hain ki aapko social media Jaise Facebook Instagram WhatsApp etc. per market karna chahie? Agar Main aapko kahun ki social media istemal karne walon mein se 60% Logon Ko naye Vastu ke bare mein social media se hi pata Chalta hai. Agar aap Social Media ka istemal nahin kar rahe hain to aap lagbhag duniya ki Aadhi aabadi tak pahunchne ke aasan aur behtarin tarike se chuk rahe hain.


Agar aap is baat se bhi social media marketing ka istemal karne ke liye Razi nahin hai to yah rahe 17 aise karan Jinse aap Bharat jaise desh mein social media marketing ka istemal karne ke liye apne aap utsuk ho jaenge.

1.Lakhon log Social Media ka istemal har roj Karte Hain

  • Lagbhag duniya ki 40% abadi social media per hai. 
  • Jo ki 3.2 billion abadi hai puri duniya ki.
  • Facebook duniya ka sabse bada social media platform hai aur ise 2.4 billion log istemal karte hain.
  • Iske alava donon Youtube aur Whatsapp jaise social media platform ko lagbhag ek ek billion log istemal Karte hain.
  • 3 mein se 1 vyakti social media per hai.

Kya aapko Nahin Lagta Ki social media Jahan itne sare log hain vahan market karna Sahi hoga.

Isi vajah se badi badi company mein dusre marketing platform ke atirikt Social Media ka Adhik istemal kiya jata hai

Aap apne product aur service ko apne tarike Se darsha sakte hain

Kya aapko Nahin Lagta ki Ham Sabhi log koi bhi Vastu kharidne se pahle use online dekhte hain?

Jab aap apne product ya service ko social media per dikhate hain to grahakon ko acche se pata chal payega ki aapke product ya service ki vastvikta kya hai. isse aapke product ya service ki hakikat aap apne grahak ke samne pesh karte hain aur jab unhen yah upyogi lagta hai to vah use khareed lete hain.

3 mein se 1 social media istemal karne wale log online product kharidte hain. isse hamen yah pushti milati hai ki log Social Media ka istemal sirf apne doston ki photo ko like karne ke liye nahin istemal karte hain. Social media per log branded vastuon ko bhi dekhte hain jo unke kam a sake.

Aapke pratiduendi  Pahle Se Hi iska istemal kar rahe hain

Aapko pata bhi nahin hoga Ki aap ke Pratiduendii Social Media ka istemal kar rahe hain aur Iske istemal se apni bikri badha rahe hain. Isliye Apne Pratiduendii ko mauka na den ki vah aapse un grahakon ko bhi le Jaaye Jo Shayad aapke ho sakte hain. Jitni jaldi aap yah shuru karenge utani teji se aap apne vyavsay ki badhotri dekh payenge. Social media per market karna Shuru Karen.

Aapke Grahak bhi social media per Hain

  • Har umar Ke Log Social Media ka istemal kar rahe hain. 
  • Har Chote Bade income kamane wale log social media per Hain. 
  • Har education level ke log Social Media ka istemal kar rahe hain. 
  • Har Kshetra (Gramin ya Shahar) ke log Social Media ka istemal kar rahe hain.

In sabhi Se Kabhi alag Naa Ho! social media marketing Shuru Karen

Isse aap ki Pratishtha badhati hai

Jab bhi kisi vyakti ko aapke vyavsay ke bare mein janna ho to vah sabse pahle social media per aapka account check karta hai. isliye social media marketing har chhote vyapari ke liye ati avashyak hai.

 Yah aapki pratishtha hai jo aapko online banae rakhni hogi aur Yahi mayne rakhta hai.

Yah aapke budget Mein Aata Hai

Social media aapke vyavsay ke liye sabse kam kharch mein hone wala marketing ka upay hai. Aap lagbhag har social media platform per account banaa sakte hain aur muft mein istemal kar sakte hain.

Par agar aap social media marketing per kharch karna chahte hain to aap is Rs.100 se bhi shuru kar sakte hain bas thode se rupaye lagakar aap apna conversion rate badha sakte hain aur aapko apna kiya gaya nivesh bad Mein Wapas bhi mil jayega.

Keval apne Grahkon per Dhyan Dena Aasan

Social media per lakhon log hai. Par aap Chahe to keval apne Grahak par bhi dhyan kendrit kar sakte hain.

Jaise ki ho sakta hai ki aap sirf mahilaon ko hi apna product bechna chahte ho ya sirf Bengaluru Mein Rahane wale 25 – 55 varshiy mardon ko apna product bechna chahte ho, social media per aapke pass yah sabhi vikalp hote hain.

Kya yah behtarin baat nahin ki social media ki madad se aap aur aapke Grahak sidha ek dusre se jud sakte hain.

Aap Badi sankhya Mein Grahak Tak pahunch sakte hain

Purane marketing ke tarikon ke mukabale social media per aap apne product ko Lakhon logon tak jald se jald pahuncha sakte hain.

Sath hin aapke Grahkon ko yah bhi pata chalta hai ki aap kya bech rahe hain bhale unhen vah kharidna ho ya nahin ya unhen aapke brand ke bare mein pata ho ya nahin. Yah social media ki sabse behtarin baat hai.

Fir bhi agar aap isse adhik prachar karna chahte hain to aap iske liye pay kar sakte hain. Facebook per aap apne vyavsay ko kisi bhi budget mein promote kar sakte hain.

Aap sirf sthaniya Nahin Rahenge

Jab aap social media per hote hain to aapko puri duniya dekh sakti hai naa ki sirf sthaniya log. Isse aapko bade avsar milte hain.

 Aap apne Grahakon se Bina Kisi deri ke baat kar sakte hain

Grahak aajkal madad ke liye social media ka sahara lete hain. Jab aap social media per hote hain to aap Unse turant sampark Karke Unki madad kar sakte hain aur Unka Vishwas Badha sakte hain. Bharat ke lagbhag aadhe Grahak product or service se sambandhit apne sawal social media per puchte hain. Social media ke Grahak ke liye Yojna aapke pass Hona bahut jaruri hai.

Social media ek behtarin tarika hai apne grahakon se judne ka. Jitna Adhik aap apne Grahkon se judenge utna adhik aap apna vyavsay badha payenge.

 

Aapke Grahak aapke liye acche review de sakte hain Jo dusre log dekh sakte hain

Jab Koi aapka product khareedna chahta hai to vah uska review online dekhta hai. Ise wo vyaktigat Sifarish mante hain.

Ismein Koi shak nahin hai ki acche review wale product dusri product ke mukabale 3 guna behtar bikte hain. Facebook Jaise social media per Rahane se aapke Grahak aapke product ke bare mein aasani se review de Payenge. Ek Chhote vyapari ke liye yah bahut acchi baat hai aur isse aap apni Ssel bhi badha payenge.

 Aap apne Grahak ko Suchit kar Payenge

Aap apne vyavsay ki Sabhi Jankari social media ke Madhyam se apne Grahkon tak pahuncha payenge. Kai bar Jab aapke Grahakon ko aap suchna nahin dete hain to vah aapke pratidwandi ke pass chale Jaate hain.

Jaise ki man lijiye aap koi nayi product laate hain to aap use social media ke madhyam se apne Grahakon ko iske bare mein suchit kar payenge ya fir agar aap apne store ki jagah badal rahe hain to ise bhi aap social media per update kar sakte hain.

Apne Grahakon se aasani se feedback le

Social media ki madad se aap apne Grahak dwara diye gaye feedback ke madhyam se unhen aur behtar tarike se samajh payenge. Facebook, Instagram Jaise social media platform ki madad se aap apne Grahakon ki Mang sidha unhin se jaan payenge.

Aapka vyavsay Google per Aane lagega

Social media ke madad se aap apane website per adhik Logon ko la sakte hain. Aapke grahak pahle se hi aapke vyavsay ke bare mein janne ke liye Google ka istemal kar rahe hain.

Social media per profiles banane ki vajah se aap Google ke pahle page per aa sakte hain.

Aap acche se samajh sakte hain ki aapke Grahakon ko kya chahiye

Social media per rahane ki vajah se aap ko pata chal sakta hai ki aapke grahakon ki kya ichcha hai, unhen kya pasand hai, unki Ruchi kisme hai. Yah Sab aap Bina Social media ki madad se nahin jaan paye shayad.

Aur sath hi apne Grahakon se barabar Jude rahane se aap yah sabit karte hain ki aapko unki parvah hai.

Aapke vyavsay Ka sale Kafi Adhik badh Jayega

Isse fark nahin padta ki aap kya bechte hain, social media ki madad se aap apni bikri acche se badha sakte hain.

Yah sab baten nahin hain, kayi Chhote vyapari social media ke madad se behtarin parinaam prapt kar rahe hain.

Yah Aasan Aur majedar Hai

Ji haan social media par account banana, photo dalna, apne product ko apne tarike se dikhana, yah sab muft aur majedar hai. Yah bahut aasan hai aur iske liye aapko kisi aur ki jarurat nahin. Ise koi bhi istemal kar sakta hai fir chahe wah shikshit ho ya nahin.

Aur shayad Isliye duniya ki adhi jansankhya iska istemal karti hai.

 

Kul milakar agar aap ek vyapari hai aur aapka social media account nahin hai to aap bahut kuchh chhod rahe hain. Sabse badi baat, aap social media per bina rahe kaise rah sakte hain isliye abhi social media marketing Shuru Karen.

Naye Business tips ke updates ke liye jude rahen Vyaparapp.in par 

Download Karen BEST Free Billing Software

Happy Vyaparing!!!

You May Also Like

Leave a Reply