8 Tariko Se Billing Software Business Purchase Ko Behtar Tarike Se Manage Karne Mein Madad Karta Hai

SME, business tips, small business, online business, small business ideas, how to grow a business

Kya aap apne sabhi business purchase ke liye khudse bahi khate bana rahe hain?

Shurwati daur mein yah fir bhi thik hai par jaise jaise aapka vyavsay badhega aap ek ek rupaye ke kharch ka hisab nahin rakh payenge.


Sirf yahi nahin ek purchase transaction mein kafi sari chizen karni hoti hai – purchase order banana, item jabtak deliver nahin ho jata tabtak uspar dhyan dena, payment karna, etc. yah sab kabhi bhi aasan nahin hoga aur jab aapke pas pahle se hi dusre kaam hain jispar aapko dhyan dena hoga tab in sabko khudse sambhalne mein koi samjhdari nahin hai .

Shukra hai ki aajkal billing software application hai jo automatic purchase transaction ko har astar par track karta hai aur aapka kaam kam karta hai. 

Yah rahe wo 8 tarike jisse billing software aapko business purchase ko behtar tarike se manage karne mein madad karta hai.

 

1)Asani se banaye Professional PO forms aur apne suppliers ke sath share karen WhatsApp par

Agar aap khudse apna purchase order banate hain to usmein galtiya hona aam baat hai aur isme kafi waqt bhi lagega. Par Vyapar jaise billing software ki madad se aap badi asani se professional PO forms bana sakte hain aur ise Whatsapp par apne supplier ke sath share bhi kar sakte hain.

 

2)Iski madad se aap apne sabhi purchases ka sahi hisab rakh sakte hain

Har saman ko ek ek kar ke check karna ki jo aapne order kiya tha wo aapko mila ya nahi, kafi mushkil hai. Apne bahi khate mein har saman ko check karne mein kafi samay lagta hai.

Jab ki billing software aapko apne sabhi purchse ko bahi khate mein digital roop mein sahi se hisab rakhne mein madad karta hai. Isse yah sunishchit hota hai ki aapke pas sabhi jankari asani se uplabdh ho. Aap har purchase ki jankari ko bas ek click mein hi dekh payenge.

 

3)Apne budget ko dhyan mein rakhte hue un items ko track karen jo aapko khareedni hai

Vyapar jaise billing software ki madad se sabhi prakar ke stock ko asani se track kar payenge jaise ki kitne stock bache hue hain, kitne stocks dobara order karne hain, etc. aap aur bhi jyda behtar aur sahi tarike se inventory ko control kar payenge. Sahi prakriya ke palan ki wajh se aap purchase se pahle hin apne bank account mein paryapt paise jama kar payenge. 

 

4)Aapse apki purchase ki koi bhi detail kabhi nahi chhutegi

Billing software aapke sabhi purchase order transaction ka sahi hisab rakhta hai, jaise ki aapko kitna munafa ya nuksan hua, aapka cash flow kitna hai, etc. iski wajh se aapse kabhi bhi kisi bhi purchase ki jankari nahin chhutegi.

 

5)Isse aapke aur aapke supplier ke bich ka vivad kam hoga kyonki PO forms ek legal contract ki tarah kaam karta hai 

Apne supplier ko Purchase order form ( Vyapar jaise billing software ke istemal se) bhej ke aap unhen legal tarike se unke product ya service ko khareedne mein apni ruchi dikhate hain. Agar wah aapka purchase order manzur kar lete hain to fir yah aapke aur supplier ke bich mein ek tarah ka contract ban jata hai.

Agar aap dono ke bich mein order ko lekar koi vivad hota hai to yah purchase order aapke order ki sahi jaankari deta hai. Isme maukhik order ke mukable galti ke kam aasar hote hain. Isliye yah kahna sahi hoga ki billing software aapke aur aapke supplier ke bich ka vivad kam karta hai.   

 

6)Andruni dhandhlebazi ke jokhim kam hote hai

Purchase order ki wajh se andruni dhandhlebazi ke jokhim kam ho jate hain, jaise ki agar aapke karamchari purchase ke payment ke liye aapse adhik paise maange to yah aapko asani se pata chal jayega.

 

7)Budget banana, plan karna aur cash flow ko niyantrit karna aasan ho jata hai

Sahi process ki wajh se aap yah sunishchit kar sakte hain ki purchase se pahle hi aapke bank mein paryapt rypay ho. Iski wajh se budget banana, plan karna aur cash flow ko control karna asan ho jata hai. Khas kar yah chhote vyapariyon ke liye bahut avashyak hai.

 

8)Purchasing process ko automatic kar ke samay aur paise bachata hai

Purchase ke liye order karne se le kar bill bharne tak ke sare process ko billing software aasan bana deta hai taki aapko adhik mehnat na karni pade. Isliye yah kehna galat nahin hoga ki billing software aapke purchase ki prakriya ko automatic kar ke aapka samay aur paisa dono bachata hai

Kya aapko lagta hai ki agar aapke pas billing software hoga to aap apne business purchase ko achhe se manage kar payenge? Please niche comment karen.

Naye Business tips ke updates ke liye jude rahen Vyaparapp.in par 

Download Karen BEST Free Billing Software

Happy Vyaparing!!!

You May Also Like

Leave a Reply