GSTR 1 Kya Hai? Kise File Karna Chahiye, Kaise File Karte Hai, Due Dates Aur Late File Karne Ki Fees

Kya GST aapke liye naya hai? Kya aap nahin jante ki GST kaise kaam karta hai? Kya aapko GSTR1 file karna hai par kaise karna hai yah aap nahin jante?

Pareshan mat hoiye! GSTR-1 ke bare mein aapko jo bhi janna hai wo yahan hai.

GST ke antergat sabhi kardataon ko apne vyavsay ki sabhi bikri ki jaankari sarkar ko GSTR-1 ke madhyam se jama karni hoti hai aur yah aniwary hai.

GSTR-1 kya hai?

GSTR-1 wah dastawez hai jisme vikreta dwara kharidar ko ki gayi sabhi bikri (Sales) ki jaankari hoti hai.

GSTR-1 kise file karna chahiye?

GST ke antergat jisne bhi register kiya hai use GSTR-1 file karna hi hoga fir chahe unhone us mahine bikri ki ya nahin ki.

✔Agar aapke vyavsay ka salana turnover Rs 1.5 crore tak hai to aapko har 3 mahine mein GSTR-1 file karni hogi par agar aapka salana turnover Rs 1.5 crore se adhik hai to aapko har mahine GSTR-1 file karna hoga.

✔Agar aapne composition scheme chuna hai to aapko GSTR-1 file karna hoga aur GSTR-4 har 3 mahine par file karni hogi.

 GSTR kab file karna chahiye?

GSTR-1 file karne ki antim tarikh aapke turnover par nirbhar karta hai.

Agar aapka business turnover <= Rs. 1.5crore, to aap 3 mahine mein ek bar file karne ka vikalp chun sakte hain. 

3 Maah Due date
Oct-Dec 2018 31st January 2019
Jan- Mar 2019 30th April 2019

Agar aapka business turnover > Rs. 1.5 crore, to aapko har mahine file karna anivary hai.

Period Dates
December 2018 11th January 2019
January 2019 11th February 2019
February 2019 11th March 2019
March 2019 11th April 2019

GSTR-1 mein kya kya jaankari honi chahiye?

GSTR-1 mein 13 alag alag bhaag hain jinhen bharna hota hai. Kuch kuch apne aap hin bhar diye jate hain aur kuch aapko bharne hote hain. Yahan kuch mukhya bhaag diye gaye hain:

✔Aapke vyavsay ka GSTIN: yah apne aap bhar diya jata hai.

✔Kardata ka naam:  yah apne aap bhar diya jata hai.

✔Pichle vitt varsh ka turnover: ise aapko sirf ek baar bharna hoga. Uske bad pichle saal ke closing balance ke sath yah apne aap bhar diya jayega.

Avdhi (time period) jiske liye return file kiya ja rha hai: aapko diye gye vikalp mein se varsh aur mahina chunna hoga

✔Register kiye gaye vyakti dwara ki gayi bikri (sale) ki jaankari: 2 rajyon ke antergat hone wali bikri ke liye CGST aur SGST file kiya jata hai, aur jab bikri sirf ek hin rajya ke ander ki jaye tab IGST file kiya jata hai. Yahan un bikri ki bhi jaankari deni hoti hai jinpar tax nahin lagta.

✔Un bikri ki jaankari jo Rs. 2.5 lakhs se adhik hai- diye gaye ko chhodkar baki sabhi supply vaikalpik hote hain.

✔Un sabhi bikri ka joda hua kul jo Rs. 2.5 laakh se kam hai.

Debit note aur credit note ki jaankari.

✔Pichle saal ke sale transaction ke badlaav.

Exempted, Nil- Rated and Non- GST supplies– agar keval us mahine ya us 3 mahine ke antergat aapki koi sale nahin hui to ise bharen.

Export sales ki jaankari, aur un sabhi vastuon ka HSN code bhi darj karna hoga.

✔Advance payment ke liye tax liability bhi bharen.

Reporting period (avdhi) ke dauran diya gaya tax – ismein pichle period mein diye gaye tax bhi aa sakte hain.  

Company aur LLP ke form par digital hastakshar hone chahiye par proprietorship mein khudse bhi sign kiya ja sakta hai.

GSTR-1 kaise file karen?

✔Apne user ID aur password ki madad se GSTN portal par login karen aur niche diye gye steps ke anusar GSTR-1 safaltapurvak file karen.

Services mein pehle returns aur uske bad Returns Dashboard par click karen.

✔Dashboard mein vitt varsh (financial year) aur mahina chune jiske liye GSTR-1 file karna hai. Search par click karen.

✔Is period(avdhi) se judi sabhi return aapko screen par dikhenge.

✔Use chunen jisme GSTR-1 hai.

✔Ab aapko do vikalp diye jayenge – prepare online (online banayen) ya upload the return (return upload kare)

Aap shayad yah bhi padhna chahenge: Vyapar ki madad se GSTR-1 kaise banaein?

Vyapar jaise GST Billing Application ki madad se aap GSTR-1 reports generate kar sakte hain aur sidha portal par upload kar sakte hain.

✔Aap ya to invoice jod sakte hain ya sidha upload kar sakte hain.

✔Sab hone ke baad Submit (jama karen) par click karen aur di gayi jaankari(data) ki pushti karen (validate)

✔Ek bar jab sabhi jaankari ki pushti ho jaye tb FILE GSTR-1 par click karen aur form mein digital sign/E-Sign ki aur aage badhe.

✔Ab aapko ek pop-up ke madhyam se return ko file karne ki pushti maangi jayegi. YES (haan) par click karen.

✔Ab ek Acknowledgement Reference Number (ARN) generate hoga.

✔Is ARN ke istemal se aap apne file kiye gaye GSTR-1 ko track kar payenge.

✔Apne GSTR-1 ka status janne ke liye GSTN portal par apne user ID aur Password ki madad se firse login karen. https://www.gst.gov.in/

✔Click Service > Return > Track Return Status 

ARN field mein ARN likhen.

✔Apne GSTR-1 report ke status ko janne ke liye search button par click karen. Return status 4 prakar ke hote hain:

“TO BE FILED” : Iska matlb hai ki aapka return abhitak file nahin kiya gya hai.

“SUBMITTED BUT NOT FILED”: Iska matlb hai ki aapka return validate (pushti) kar diya gya hai par file karna abhi bhi banki hai.

“FILED-VALID”: Iska matlb hai ki return safaltapurvak file kiya ja chuka hai. 

“FILED-INVALID”: Iska matlb hai ki return file kar diya gya hai par tax nahin bhara gya hai ya fir kam bhara gya hai.

Aap shayad yah bhi padhna chahenge: Vyapar App Ke Sabhi Features Ki Suchi: Bharat Ke Chhote Vyapariyon Ke Sabse Behtarin Billing Software Ke Bare Mein Sabkuch  

Deri se file karne ki fees ya penalty kya hai?

GSTR-1 ko deri se file karne ki fees Rs. 50 prati din ya Rs 20 prati din(nil return ke liye) hai. Jama karne ki tarikh ke bad se jama karne ki tarikh tak late fees jodi jayegi.

Naye Business tips ke updates ke liye jude rahen Vyaparapp.in par 

Download Karen BEST Free Billing Software

Happy Vyaparing!!!

Share This Story

GST News, Hinglish

You May Also Like

Leave a Reply