Home » Business Tips » Inventory Management Mein “Stock Summary Report” Aapki Madad Kaise Karta Hai

Inventory Management Mein “Stock Summary Report” Aapki Madad Kaise Karta Hai

  • by

Inventory aapke paas maujud CASH ka ek roop hai. Agar inventory ko sahi se manage nahin kiya gya to aap apne rupay kho denge. Agar aap retail vyavsay mein hain to yah aur bhi adhik mahatvapurn ho jata hai. Ho sakta hai ki aapko dusre saman ke mukable un saman ki bikri pahle karni pade jo expire ya kharab hone wale hain taki aapko bad mein nuksan ka saamna na karna pade. Sahi kaha gya hai ki kisi bhi vyavsay ka mukhya adhar hota hai inventory ko manage karna. 

Waise to aise kayi vyavsayik report (Business Report) hote hain jinhen aapko dekhna chahiye par Stock Summary Report ek aisa report hai jisme aap sabhi item ki matra (quantity) aur unka mulya (value) dekh sakte hain. Isse aap bina kisi pareshani ke inventory se jude mahatvapurn faisle le sakte hain. 

“Stock Summary report” hone ke 4 fayde

Stock summary report hone ke karan aap apne store ke sabhi item ko asani se track kar payenge aur aapko items ko ek ek kar ke ginne ki avashyakta nahin hogi (agar yah karne ke liye aapke pas inventory management software hai to). 

Agar aapke paas Vyapar App jaisa inventory management software hai to aap kahin bhi aur kabhi bhi “Stock Summary Report” generate kar sakte hain aur aapke stock ki maujuda value dekh sakte hain. Isse aap asani se grahakon ki maang ko puri kar sakte hain.

Aap inventory se jude kayi faisle asani se le payenge agar aapko sahi se pata ho ki aapke pas kitna stock hai. Aap iske anusar hin dobara stock la sakte hain.

Inventory manage karne ka matlab hai ki aapke paas sahi samay aur sahi jagah par item ki sahi matra ho. Saman ke barbadi ke 2 mukhya karan hote hain ek ya to saman kam hota hai aur dusra ya to saman jarurat se adhik hota hai. 

Stock summary report ki madad se aap jaan payenge ki konsa saman jaldi bik rha hai, konsa saman deri se bik rha hai aur konsa saman bilkul bhi nhin bik rha hai. 

Is report ke anusar aap apni punji ko sahi vastu ko kharidne mein laga sakte hain taki aapka munafa badhe aur saman ki barbadi kam ho.

Inventory ka status jaane bina orders lena aapke liye musibaten khadi kar sakta hai. Ho sakta hai ki stock kam hone ki wajh se aap order pura na kar paayen. Isliye yah janna bahut aavashyak hai ki kis item ka kitna stock hai aur samay par order pura karne ke liye paryapt stock hai bhi ya nhain. 

Stock summary report se aap jaan payenge ki aapske paas kitna stock maujud hai aur iske anusar aap apna order samay se pura kar payenge.

Agar aapke paas stock summary report hogi to aapko pata hoga ki aapke paas kitna stock hai, kis item ke bikne ki adhik sambhavna hai, is sab se aap asani se tay kar payenge ki aapko aane wali chuttiyon mein kitne stock ki avashyakta hogi.

Stock ke khatam hone se pahle hin aap naye stock dobara la sakte hain taki aapko bikri mein nuksan na ho. Pichle sale ko dekhte hue aap tay kar payenge ki aapko kis item par kitna kharch karna hai. Is tarike se aapke grahakon ko kam stock hone ki wajh se nirash nahin hona hoga. 

Nishkarsh

Vyapari “Stock Summary Report” ka istemal inventory track karne ke liye kar sakte hain aur isse aapke kayi karya asan ho jate hain. Vyapar App ki madad se aap is report ko ek hin click mein generate kar payenge aur inventory se jude faisle asani se le payenge. Iska matlab hai ki aap Vyapar App ki  madad se Stock Summary Report generate kar sakte hain aur inventory ko asani se manage kar sakte hain.

Kya aapko yah feature dilchasp laga? Download karen Vyapar App bilkul muft aur dekhen ki kaise yah report har din ke inventory ko manage karne mein aapki madad karta hai.

Naye Business tips ke updates ke liye jude rahen Vyaparapp.in par 

Download Karen BEST Free Billing Software

Happy Vyaparing!!!

Leave a Reply