Home » Business Tips » Online Bikri Karne ke 6 Aasan Tarike : Cash On Delivery Ke Sath!

Online Bikri Karne ke 6 Aasan Tarike : Cash On Delivery Ke Sath!

  • by

India mein jabse online market shuru hua hai tabse badhta hi ja rha hai. Hum aaj us makam par pahunch chuke hain jahan aaj kevel bharat mein hi lagbhag 250 million online kharidar hain. 10 me se 4 vyapari apne product ko online bechte hain aur dusre vyapariyon ke mukable dugni bikri karte hain. Par isme ek chunauti hai. 


Bharat mein 4 mein se 3 log kayi karnon ki vajh se pre-paid ke badle COD ko chunte hain.
Online payment karne ka zariya na hona, seller par vishwas na hona, product ke kharab hone ka dar, yah sabhi kuch aise karan hain.
 Jab koi grahak COD (cash on delivery) ka option chunta hai to iska matlb hai ki vah saman milne ke bad payment karta hai usse pahle nahin. To yah ek prakar ka risk hua jo chhote vyapariyon ko online saman bechte waqt lena chahiye.

To kya aap cash on delivery par online bikri karne ki soch rahe hain par aapko pata nahi ki kaise? Yah bahut asan hai!

In 6 asan steps ki madad se aap COD payment option ke sath online bikri kar sakte hain:

Apne sabse pahle step mein aap yah tay karen ki aapko konsi product ya service pradan karni hai.

Yahan un products ki suchi di gayi hai jo Google (2019) ke anusar aajkal internet par sabse adhik bechi jati hai:

  • Electronics
  • Kapde aur accessories
  • Books
  • Beauty aur personal care
  • Home aur furnishing
  • Healthcare
  • Babycare

Yah suchi yahin khatam nahin hoti. Apne fayde ke liye aap har wo chiz bech sakte hain jo aapke grahak ke jivan mein sahayak ho!

Jitna important product chunna hai utna hi important hai bikri karne wali platform ko chunna. Yah sach hai ki yah baat uspar nirbhar karta hai ki aap kya bechna chahte hain. Use chunen jo aapke budget ke ander aata hai.

Yah rahi aapke product ko bechne ke liye kuch achhe platform ki suchi:

          Chunen ki aap kahan register karna chahte hain.

         Behtar yah hoga ki aap dher sare platform par register karen kyonki adhiktar platform par muft mein register kar sakte hain.

        Unse profit ko bantne ke tarike tay kar len aur uske bad apne product ki tasviren aur jankari platform par jod den.

Iske alawa agar aapko takniki jankari hai ya koi aisa hai jo aapki madad kar sakta hai to aap apna khud ka online store bhi khol sakte hain.

Jydatar ecommerce platfore (Amazon, Flipkart, etc) apne marketing ka khayal rakhte hain. Aapko sirf tab tak aram karna hai jabtak grahak aana shuru na kar den. Par agar aap social media platform ke madhyam se ya apne website ke madhyam se bikri karna chahte hain to kuch aam marketing khud se hin karni hogi.

Facebook, Instagram, youtube, etc. jaise social media networking platform par muft mein account banayen.
Lagbhag sabhi jagahon par muft mein apne product ki jaankari aur photos daalen.
Agar aap social media par paise de kar prachar karna chahte hain to aap yah Rs.100 ke chhote budget se bhi shuruwat kar sakte hain.
Social media ke sirf 3 lakh logon ko nahin balki aap chahen to sirf kuch khas logon ko bhi apna lakshya bana sakte hain.

Jaise ki ho sakta hai ki aap sirf mahilaon ko hi apna product bechna chahte hon ya sirf bangalore mein rahne wale 25-55 varshiya male ko apna product bechna chahte hon, social media par aapke pas yah sabhi options hote hian.

Ek bar aapne apna eCommerce store set kar liya aur chalana shuru kar diya apne agle step mein aap apne grhakon se judna shuru kar sakte hain.

  • Agar aapko eCommerce platform (Amazon, Flipkart, etc) se sale ki prapti hui to fir aapko kisi aur chiz ki chinta karne ki koi jarurat nahin. Order lene se delivery dene tak har chiz unke dwara ki jayegi.
  • Yahan aapko apne grahakon se payment nahin milti balki aapko apni sabhi payment un platform se milegi jispar bhi aap registered hain. Jydatar yahi hota hai.
  • Lekin agar aapko apne grahak Facebook, Instagram ya WhatsApp ke madhyam se mile hain to order ki prakriya kafi alag hogi.

 Unse unki jankari len jaise ki grhak ka naam, delivery ya shipping ka address, payment mode, product aur product quantity jitni wah kharidna chahte hain. Order ko confirm kar len. Agar order bada hai to unse aadha payment pahle le len aur unhen call kar ke order ko dobara confirm karen.
Uske bad check karen ki kya aap diye gaye address par order bhej sakte hain ya nahin.
Diye gaye jagah par nirbhar karta hai ki delivery muft hogi ya uske liye paise lagenge, agar lagte hain to use bhi bil mein joden aur jodne ke bad bil grahak ko den.
Ek bar jab grahak ne order kar diya uske bad invoice banayen (iske liye aap achhe billing application ka istemal kar sakte hain) aur use wale saman ke sath jod den.

Ek bar jab aapne order le liya tab aapka agla step hai use time se deliver karna.

        Ek logistic company ko apna partner banayen.

        Un logistic company ko chunen jo cash on delivery ka option deti ho.

        Kuch delivery to karti hain par COD nahin. Kuch jani maani courier company jaise ki DTDC aur aisi hi kayi dusri company mein shyad yah option na ho. Aapko aisi company ka sahara nahin lena chahiye kyonki bharat mein adhiktar grahak COD ka istemal karte hain.

Yah un 10 companies ki suchi hai jinki madad aap le sakte hain:

Jydatar companies aam courier ka hi rate leti hai aur COD ke kuch extra rate dene padte hain.

Dekhen ki kya unke rates aapki bikri ke liye sahi hai.

Kabhi kabhi jab kisi karan se jaise ki grahak ke na hone par COD wale courier wapas aa jate hain to aapko courier company ko donon taraf ke courier ke rates dene padte hain. Check karen ki kya aap ispar kuch chhut pa sakte hain.

Ek bar jab aapko logistic partner mil jata hai to delivery karne wala grahak dwara order kiya saman aapse lekar use grahak ko deliver kar deta hai.

Ek bar jab aapki logistic company product ko grahak ko pahuncha deti hai tab grahak use payment kar deta hai. 

Grahak se payment lene ke bad logistic company usme se apna hissa ( saman bhejne aur handle karne ka cost) lekar baki payment aapko de deti hai.
Agar grahak ne payment nahin kiya to aapko aapka saman wapas kar diya jayega aur logistic company ko aapko donon taraf ke courier ke paise dene honge.

Is process se judi koi jankari chahiye? Kripya niche comment karen.

Naye Business tips ke updates ke liye jude rahen Vyaparapp.in par 

Download Karen BEST Free Billing Software

Happy Vyaparing!!!

Leave a Reply