Home » Hinglish » Retailers Association Of India ne ki Khudra Vyapariyo ke Haqq ki Baat!

Retailers Association Of India ne ki Khudra Vyapariyo ke Haqq ki Baat!

  • by

Vartman mai lockdown ki lagataar badhti avadhi ko dekhte hue “Retailers Association of india” ne retailers ke haqq mai raajye sarkaro se raat 9 baje tak khudra parichalan (Retail operations) chalu rakhne ki anumati dene ka aagrah kiya.

Retailers Association of india (RAI) ne monday ko kaha ki sabhi aavashyek dukaane like kirana, samanye vyapar ki dukane, general stores, supermarket shamil hai, ko har roj raat 9 baje tak khula rakhne ki anumati di jani chaiye.

Because kai rajyo mai “local lockdown aur ad-hoc restrictions” ka khudra vyapar (Retail business) par bura aur sankatpurn asar pad raha hai.

Karan batate hue Retailers Association ne kaha ki Khudra vikretao ko pehle se hi extended lockdown ke chalte pichle saal ki tulna mai lagbhag 40% kam bikri dekhne ko mili.

iske karan unhe majduri aur kiraye ke bhugtan ke mamle mai badi mushkilo ka samna karna pad raha hai. 

But ye bhi bataya ki RAI ne vyavasaye aur upbhogtao ke jeevan ko recovery ke track per lane, sath hi grahako ki dainik jarurato ko pura karne ke liye vibhinn rajyo aur local authorities ko sifarishe ki hai.

Jinme like “Anivarye roop se kirana, samanya vyapar dukane, supermarket, hypermarket aur thok vyapari ke sath sath aavshyek dukane saptah ke  har din raat 9 baje tak khuli rakhna shamil hai”. 

  • Iske alawa RAI ke CEO Kumar Rajgopal ne kaha ki Association ne Uttar Pradesh, Maharasthra, Andhra Pradesh aur Karnataka mai bhi rajyo or local authorities ko pratinidhitva submit kiya hai.
    jo sucharu sanchalan ke liye kuch jagaho mai lagaye gaye samay pratibandho ko hatane ki maang kar rahe hai.
  • RAI ki is mang ke paksh mai BATA india ke CEO – Sandeep Katariya ne kaha ki “Samay par pratibandh aur simit samay se dukano mai anavashyek  bheed badh sakti hai, jo ki Store staff aur grahako dono ke liye surakshit nahi hai.
    Jabki Lambe samay tak parichalan khudra vikretao ke liye recovery mai madad karega aur sath hi social distancing ke niyamo ki palna bhi hogi”
  • METRO Cash and Carry india ke MD aur CEO Arvind Mediratta ne kaha ki Uttar Pradesh mai weekend pe bhi dukano ko band rakhne aur bangalore mai sakth lockdown ke faisle se Vyapar par bahot asar pad raha hai.

    Sath hi unhone kaha ki “Ye lockdown sabhi nagriko ke liye vibhinn asuvidhaye paida karange kyuki ye Khad, kirana aur khudra stores ke sanchalan pe bhi rok lagate hai” aur ye desh ko ‘Aatmnirbhar’ banane ke raste mai aayange.

RAI dwara ki gayi is special mang ko lagbhag sabhi ne samarthan diya. Agar aap bhi RAI ki is special demand ko support karte hai to humein comment box mai comment karke jaroor bataiye.
Agle Blog mai hum fir leker aayange Retailers aur MSME’s se judi kuch khaas khabar.


You may want to read these:
How to Apply for GST Registration Online in India?
Legal Requirements for Business Registration in India
9 Types of Small Business Insurance and What it Covers
No eWay Bill if you haven’t filed your GSTR-3B


Stay updated about the Latest GST News on Vyaparapp.in.

Download the BEST Free Billing Software

Happy Vyaparing!!!

Leave a Reply