Union Budget 2020: Business Owners Ko Is Baar Kya Umeed Karni Chahiye?

Kal ghoshit hone wale Union Budget 2020 se MSME (Micro, Small & Medium Enterprises) sector ko kaafi umeedein hain. Yah sector un muddon se guzar raha hai jo sabhi ko pata hai – GST ki jatil prakriya, Capital ki uplabdhata aur uski lagat, sarkar aur badi companiyon se bhugtan mein deri aur bazaar mein liquidity kam hona.

Is baar MSME segment ki pramukh umeedein is prakar hain:

GST Filing mein aasani: Is prakriya ko saral banane ke liye GST parishad ne ateet mein kai kadam uthaye hain. Lekin maujooda system mein kuch mudde hain, jaise B2B invoice match karna, MSMEs par compliance ka adhik bojh, state-wise registration prapt karna, multiple return file karna, e-way bill generation etc.

  • In muddon se nipatne aur ek naya GST return filing system hone se MSMEs ko bahut fayda hoga
  • Tez aur bilkul satik GST refund process businesses ke working capital mein sudhar karke kushalta se chalane aur usse badhaane mein madad karega
  • Ye system mein transparency badhaega aur return filing prakriya ko satik banaega

GST rate mein katauti: Economists GST rate mein charanbaddh tarike se vriddhi ke baare mein baat karte nazar aaye, kyoki pichle varshon mein GST rate cut ki wajah se collection kam hogaya. Agar sabhi nahi, to kuch sectors pe dhyaan dena avyashak hai

  • Automobile sector 28 percent se 18 percent tak ki kami ki umeed kar raha hai
  •  Kuch logon ka manna hai ki restaurant udyog ko 5 percent GST (bina input credit ke) ya 12 percent (input tax credit ke saath) charge karne ka vikalp diya jaana chahiye, kyoki GST par input credit lene ki kami ne business ki lagat mein vriddhi ki hai
  • Healthcare segment GST ke tahat swaasth seva ko shunya-rated hone ki umeed lagaye baitha hai
  • 18-28 percent ke beech girne wali items par ekyuktikaran bhi ho sakta hai aur shayad ek hi rate ke tahat kharida ja sakta hai
  • Local utpadan ko protsahit kiya ja sakta hai aur export niti faydemand banni chahiye

Adhik Credit ki Maang: GST lagu hone ke turant baad aur mudra ki nikasi ke karan chote businesses ko kaafi chot lagi. IL&FS default aur bank ke kharab loans ke karan sector mein liquidity ki kaafi kami mahsoos ki gayi

  • Bank aur gair banking vittiya companies (NBFCs) ko kam byaj ke saath MSME ko aasani se credit dene ki peshkash karni chahiye
  • Pehle ki tarah, jaldi credit pradan karne ke kayi naye yojnao ko launch kiya ja sakta hai. Jaise ki sarkar dwara shuru kiye gaye 59-minute loan portal
  • Businesses TReDS (Trade Receivables Discounting System) ke dwara tezi se loan ke liye apply kar sakte hain. TReDS ko GSTIN se jode jane ke baare mein batchit chal rahi hai. Yah ho jaye, to jo business GST-compliant hain, unhe doosre businesses ke mukable jaldi loan mil sakta hai
  • Sarkar MSME ke vriddhi ke liye bhari matra mein funding kar sakta hai. MSME mantri Shri Nitin Gadkari ne haal hi mein bayaan diya hai ki unke mantralaya ne MSMEs ke liye Rs.12,000 Crore ke budget allocation ki maang ki hai, jo pichle saal ke allocation se 71% zyaada hai

Payment/Bhugtaan Mein Deri: Sarkar aur anya badi companiyon ke dwara bhugtaan mein deri ke karan MSME sector ka tezi se vistar nahi ho pa raha hai. Sarkar ne vilambit bhugtaano ke mamlo ko report karne ke liye pehle hi MSME Samadhaan launch kiya hai, lekin ye paryapt nahi hai

  • Sarkar aur anya badi companies dwara MSMEs ko samay par bhugtaan ko niyamit karne ke liye bhugtaan Adhiniyam (Payment Act) laagu ho sakta hai
  • Iske alawa micro enterprises ke liye agar koi niti/fund avantit ho, to unhe apne business ko badhaane mein madad mil sake
  • Haal hi mein Finance Minister ne bade companies ko ye bola hai ki MSMEs ko Rs.40,000 Crore tak ki rashi, jo abhi tak bhugtaan nahi hua hai, usko tezi se bhugtaan karein. Unhone banks ko bhi kaha hai ki RBI guideline ke mutaabik wo 31 March 2020 tak MSMEs ke stressed assets ko NPA ghoshit na kare

Is Kendriya Budget 2020 se aapko kya ummedein hai? Kripya neeche comment karein

Share This Story

GST News, Hinglish

You May Also Like

Leave a Reply